Koipeztatzearen arloko gure esperientzia profesional zabala 1970eko hamarkadaren hastapenean abiatu zen Azkoitiko San Martin auzoan. Lehen urrats haien emaitza koipeztatze-sistema sinple bezain sendoak izan ziren.

Hamarkada hauetan zehar, Intza koipeztatze-sistemen fidagarritasunari esker, industriako sektore askotako ekoizleen konfiantza gureganatzea lortu dugu. Bien bitartean, gure instalazioak handitu eta berritzen joan gara.

Lantegi nagusia Azkoitiko Ugarte Industrialdean kokatzen da gaur egun eta 3000 m² inguruko azalera dauka. Bertatik, bezeroen zerbitzura gaude kalitatezko produktua eskainiz, entrega azkarrak eginez eta aholkularitza profesionala emanez.